Búsáhaldabyltingin!

Janúarbyltingin hvað? Flauelsbylting hvað?

Við höfum hafið okkar eigin byltingu; Búsáhaldabyltinguna þar sem íslendingar kemja í potta og pönnur með sleifum og ausum!

 


mbl.is Fámenn mótmæli við Alþingi
Tilkynna um óviðeigandi tengingu við frétt

Vertu klókur Geir og myndaðu þjóðstjórn núna!!

Í ljósi þeirrar pressu sem komin er á stjórnarslit og mögulega nýja rauð-græna ríkisstjórn, hangir pólitískt líf Geirs Haarde á bláþræði.

Hann hefur einn leik 'i stöðunni; það er að mynda þj'oðstj'orn!!

Með því gæti hann mögulega friðað almenning fram að kosningum og um leið sett breiða pólítíska fylkingu á bak við þau viðfangsefni sem brýnt er að sinna samhliða kosningabaráttu.

Ef hann þverskallast við, er hann búinn að vera!


mbl.is Táragasi beitt á Austurvelli
Tilkynna um óviðeigandi tengingu við frétt

Pólitísk afglöp Guðlaugs

Það þarf að spara í heilbrigðiskerfinu, sameining stofnana er vissulega hluti kerfisins sem þarf að skoða. En afglöp heilbrigðisráðherra felast í því að hafa ekki samráð með hagsmunaaðilum á hverjum stað fyrir sig. Í slíku samráði gefst tækifæri til að ræða málin og jafnvel fitja upp á nýjum möguleikum.

Ég hef alltaf haft ágætt álit á Guðlaugi, en þarna setur hann niður, þarna sýnir hann valdhroka af verstu sort.

 


mbl.is Samfylkingarfólk í Skagafirði mótmælir
Tilkynna um óviðeigandi tengingu við frétt

Beið eftir þessari fyrirsögn

Það hlaut að koma að því að þessi fyrirsögn kæmi í einhverjum fjölmiðli, að þetta mótmælendapakk skuli væla og skæla yfir því að lögreglan hafi komið harkalega fram við það, eftir að búið var að skemma tækjabúnað fyrir Stöð 2 fyrir margar milljónir króna.

Er þetta heilalaust lið eða nýtur það þess hreinlega að standa í svona ruddalegum mótmælum?

Hvernig í ósköpunum er hægt að ætlast til þess að þegar búið er að skemma hluti, komi lögreglan og klappi þessu liði?

 


mbl.is Gas Gas Gas á gamlársdag
Tilkynna um óviðeigandi tengingu við frétt

Þetta djöfuls mótmælendapakk er ekki að mótmæla fyrir mína hönd!

Nú keyrir um þverbak hjá þessu liði sem heldur að það sé að mótmæla fyrir hönd íslensku þjóðarinnar. Það er í góðu lagi að mótmæla og láta í sér heyra, en að skemma eigur annarra og sérstaklega þeirra sem eru þó að reyna að koma umræðunni til okkar í þessum skemmtilega áramótaþætti, er fyrir neðan allar hellur.

Algjörlega til skammar.

 


mbl.is Beitti piparúða á mótmælendur
Tilkynna um óviðeigandi tengingu við frétt

Nýstárleg fjáröflun

Það er alveg ótrúlegt hvað fólki getur dottið í hug.

Mér finnst þetta vera sorglega fyndið allt saman og eflaust hefur aðstandendum þótt þetta grátt gaman.

En fréttirnar af þessu andláti voru stórlega ýktar eins og mig minnir að Trausti veðurfræðingur hafi orðað það þegar hann átti að hafa látist - eða svo sagði almannarómur, sem lýgur vissulega ansi oft, þó orðatiltækið segi nú annað.


mbl.is Auglýsti andlát samfanga síns
Tilkynna um óviðeigandi tengingu við frétt

Hverslags óráðsía er þarna? Landsbyggðin geldur.....

Mér finnst það alveg með ólíkindum að launakostnaður hafi aukist úr 700 milljónum í 1.800 milljónir á milli ára. Ég neita að trúa því að þarna sé aðeins um hefðbundnar launahækkarnir að ræða, en þarna eru einhverjir að mjólka ríkið með himinháum launum.

Og þegar niðurskurður er annars vegar, skal hann helst af öllu bitna á landsbyggðinni. Svæðisstöðvarnar hafa verið um margt sameiningartákn fyrir hinar dreifðu byggðir - eða í það minnsta tækifæri til að færa fólk saman á tilteknum svæðum, með misgóðum árangri þó og mér finnst það ámælisvert að hætta með svæðisútsendingarnar. Að ríkisstofnun skuli ganga fram fyrir skjöldu og skerða þjónustuna við okkur úti á landi er ekki boðlegt.

Ég held að Páll Magnússon sé vanhæfur til að stjórna RUV, í hans tíð hefur launakostnaðurinn vaxið alveg ótrúlega mikið og laun hans sjálfs verið í brennidepli. Held að byrja hefði mátt þar og hjá öðrum æðstu stjórnendum, þá hefði hugsanlega verið hægt að fækka uppsögnunum eitthvað.

En landslagið í fjölmiðlaumhverfinu hér á landi er að verða ískyggilegt, Árvakur í bullandi vandræðum og maður veit ekki hvert þetta stefnir.

Nú reynir á að héraðsfréttamiðlarnir standi sína vakt, haldi áfram að koma með fréttir af sínum svæðum og senda þær áfram á stóru miðlana. Ríkisvaldið ætti á móti þessum niðurskurði hjá RÚV og þjónustuskerðingu við landsbyggðina að taka þátt í að efla héraðsfréttamiðalana t.d. með því að kaupa þar auglýsingar og kaupa áskriftir handa þingmönnum sem dæmi.


mbl.is 700 milljóna sparnaður hjá RÚV
Tilkynna um óviðeigandi tengingu við frétt

Af hverju er þetta ekki reglulega gert?

Þar sem ég sit hérna og horfi á borgarafundinn úr Háskólabíói, velti ég því fyrir mér af hverju svona fundir séu ekki haldnir með reglulegum hætti, án þess að allt þurfi að fara hér í kaldakol?

Af hverju stöndum við borgarar þessa lands ekki betur að aðhaldi okkar gagnavart stjórnvöldum?

Þó við gagnrýnum fjölmiðla, stjórnmálamenn, útrásarvíkinga og hvað þetta nú er allt saman, eigum við líka að líta í eigin barm og spyrja okkur að því af hverju við stöndum ekki okkar vakt betur.

Það er auðvitað tilhneiging að sitja og njóta lífsins þegar allt er í himnalagi, en við borgararnir megum ekki skella skollaeyrum við því t.d. þegar hagfræðispekúlantar óháðir og óvilhallir stjórnvöldum opna munninn og vara við þeirri stöðu sem upp er komin hverju sinni. Þá eigum við að grípa í taumana, hittast og halda opna borgarafundi og koma okkar máli á framfæri.


mbl.is Húsfyllir í Háskólabíói
Tilkynna um óviðeigandi tengingu við frétt

Það vantar fólk í vinnu í Skagafirði!

Mitt í atvinnuuppsögnum vantar starfsfólk hér í Skagafjörðinn. Sjá nánar HÉR.

Einnig auglýsir sveitarfélagið eftir þroskaþjálfa og starfsmanni í búsetuúrræði fyrir fatlaða.

 


mbl.is Starfshópur fylgist með áhrifum atvinnuleysis
Tilkynna um óviðeigandi tengingu við frétt

« Fyrri síða | Næsta síða »

Um bloggið

Pælingar um ferða- og dægurmál

Höfundur

Karl Jónsson
Karl Jónsson
Áhugamaður um ferðamál og einn af eigendum Lamb Inn á Öngulsstöðum í Eyjafjarðarsveit.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • Veturinn er fallegur á Íslandi
  • ...img_9430
  • 20080519083320623
  • Lokahof04_SOA1
  • Lokahof04_SOA

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband