Listinn góði

Þeir sem taka mark á þessum FIFA lista geta nú tekið gleði sína á ný því landsliðið okkar stekkur nú upp um 37 sæti og upp í það 80.

Margir sem gagnrýnt hafa landsliðið hafa bent á þennan lista og talið það fyrir neðan allar hellur hvað liðið hefur verið neðarlega. Gaman að sjá hvað þeir segja núna.

En þetta er staðfesting um skref í rétta átt og hvað ef Ísland hefði unnið Spánverjana eins og lengi leit út fyrir?

Gott mál og sýnir að Jolli er að ná að berja menn saman og sýna þann baráttuvilja sem íslensk landslið þurfa á að halda.

Ísland upp um 37 sæti á lista FIFA

Athugasemdir

[Rúnar Birgir Gíslason, 19.9.2007 kl. 12:53]

Mér finnst þessi listi alltaf merkilegur. Hef oft sagt að íslenska liðið ætti að skella sér til Austurlanda fjær og spila helling af leikjum. Ættu að sigra meirihlutann og það myndi fleyta þeim hátt á þessum lista.

[Kristján Gísla (IP-tala skráð) 19.9.2007 kl. 16:34]

Svo er fyndið að heyra hvernig íþróttafréttamenn nota þennan lista. Ísland er glatað lið þegar þeir eru í 117. sæti listans og eru svo líka aumingjar þegar þeir gera jafntefli við Kanada sem er 60 sætum ofar á listanum. Og svo þykir þeim sjálfsagt að við vinnum lið Spánverja sem er örugglega inni á topp 10 á þessum lista.

[Gaui (IP-tala skráð) 19.9.2007 kl. 22:29]

Jolli er pottþétt á réttri leið. Og svo má ekki gleyma hinu magnaða stuðningsmannaliði Tólfunni. Íslenska landsliðið hefur aldrei haft jafn massívan stuðning og í síðustu þremur leikjum. Það hefur haft gríðarlega jákvæð áhrif á liðið að hafa 2-300 manna stuðningshóp sem syngur allan tímann og hvetur liðið áfram og smitar flesta í kringum sig. Þegar örgustu plebbar ,sem koma á völlinn í boði bankanna ,eru farnir að standa upp og syngja, þá er ekki nema von að Eyjólfur hressist..