Engu nær

Eftir þessa fínu frétt og lifandi, er ég engu nær um það HVAÐA aðferð er verið að beita. Það var talað um ástæðuna fyrir þessum tilraunum m.a. hækkandi olíuverði sem hækkar rúlluplastið og hvaða áhrif þetta hefði á heyið og svona, en aldrei minnst einu orði á hvaða aðferð þetta væri.

Myndirnar töluðu kannski sínu máli fyrir einhvern, en ekki okkur sem stöndum ekki árlega í heyskap.

En að því slepptu er þetta enn eitt dæmið um íslenska bændur sem sinna nýsköpun og þróun í sínum rekstri afar vel.

Nýjungagjarnir bændur

Athugasemdir

[Sporðdrekinn, 13.6.2008 kl. 13:57]

Ég var einmitt að hugsa það sama. "Hvaða aðferð er þetta?" "Hvernig er heyið geymt?" Skrítið að koma með svona hálfa frétt.

Mér líst mjög vel á að hætt sé að nota plast rúllurnar, bæði hvað náttúruna og augað varðar.

[Ólafur Þórðarson, 13.6.2008 kl. 14:03]

Segi það.  Talað er um "þetta" en þetta "þetta" er aldrei útskýrt í fréttinni.  Einstaklega weird frétt. Óvart eitthvað verið klippt út. Það væri gaman að vita hvaða nýung er verið að ræða. Er það að keyra dráttarvél með hey ofan á plast ? Setja hey aftur í hlöður? Súrhey í plast? Sagt var að eitthvað væri komið í hring en mér er ekki ljóst hvor aðferðin það væri eða hvort það væri þá nýtt.

einn mjög forvitinn.  

[Karl Jónsson, 13.6.2008 kl. 14:15]

Ég hallast að því eftir pælingar, að með því að dreifa heyinu á svart plast, eins og mér fannst undirlagið vera úr, væri heyið þurrkað með aðstoð sólar og vinda.

Einhverjar betri tillögur?

[Jóhannes H (IP-tala skráð) 13.6.2008 kl. 14:31]

Sammála Karli,  Það gæti verið þessi nýja aðferð.  Ef ég skil "gömlu" leiðina rétt þá var grasið pakkað inní plast á sama tíma og það var slegið, svo þarna með nýju leiðinni þá er grasið slegið, svo þurrkað og svo hvað? ..  hvernig á að geyma það ef það á ekki að fara í þetta plastdót?

Á að geyma það á jörðinni í haugum?,  hvað gerist þá þegar það fer að hvessa? 

[Ólafur Þórðarson, 13.6.2008 kl. 14:48]

Já það gæti verið að heyið sé bara þurrkað á plastinu. Varla er heyinu rúllað upp í plastið eins og rjóma og sykri í risa-pönnsu.

[Sporðdrekinn, 13.6.2008 kl. 19:06]

Mér datt í hug að það væri eitthvað slíkt í gangi Sigurður, en það væri nú samt gaman að hafa fengið að sjá það með fréttinni.