Af hverju er þetta ekki reglulega gert?

Þar sem ég sit hérna og horfi á borgarafundinn úr Háskólabíói, velti ég því fyrir mér af hverju svona fundir séu ekki haldnir með reglulegum hætti, án þess að allt þurfi að fara hér í kaldakol?

Af hverju stöndum við borgarar þessa lands ekki betur að aðhaldi okkar gagnavart stjórnvöldum?

Þó við gagnrýnum fjölmiðla, stjórnmálamenn, útrásarvíkinga og hvað þetta nú er allt saman, eigum við líka að líta í eigin barm og spyrja okkur að því af hverju við stöndum ekki okkar vakt betur.

Það er auðvitað tilhneiging að sitja og njóta lífsins þegar allt er í himnalagi, en við borgararnir megum ekki skella skollaeyrum við því t.d. þegar hagfræðispekúlantar óháðir og óvilhallir stjórnvöldum opna munninn og vara við þeirri stöðu sem upp er komin hverju sinni. Þá eigum við að grípa í taumana, hittast og halda opna borgarafundi og koma okkar máli á framfæri.

Húsfyllir í Háskólabíói

Athugasemdir

[Ari Kolbeinsson, 24.11.2008 kl. 20:41]

Ekki vitlausasta hugmynd sem ég hef heyrt síðustu daga.

Alveg á tæru að bætt samskipti milli þjóðar og stjórnar hefðu getað gjörbreytt þessu vantrausti á stjórnina. Stjórnin hefði getað verið að sinna vinnuni sinni vitandi það að þau hefðu traust þjóðarinnar á bak við sig.

[Sporðdrekinn, 24.11.2008 kl. 21:16]

Ekki svo vitlaus hugmynd.

[Stefán Bogi Sveinsson, 25.11.2008 kl. 01:07]

Fólk mætir ekki. Fólki er sorglega mikið sama.