Er þetta næsti stjóri Arsenal?

Það væri nú ekki dónalegt að fá gömlu goðsögnina á Emirates (Ég sagði næstum við Highbury!), til að taka við stjórnartaumunum af Wenger þegar hann segir þetta gott.

Ég hef að vísu vissar efasemdir um að fótboltinn yrði jafn fagur undir stjórn Adams, en trúlega yrði enginn afgangur af því að menn leggðu sig fram og það er kannski það sem skiptir mestu máli.

En ég gleðst yfir því að þessi foringi Arsenal til margra ára skuli nú sestur í stjórastól og hver veit nema að leið hans eigi eftir að liggja aftur til baka, ef hann stendur sig strákurinn!

En eins og segir hér fyrir ofan: Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Tony Adams: Minn tími er kominn

Nú er maður formlega orðinn féhirðir

Já mikið rétt, í dag sóttum við Mundu okkar og fórum með hana í skottinu á bílnum (Patrol jeppa sko, svo að dýraverndunarsinnar missi sig ekki) upp í fjárhús til Erlu þar sem við höfum fengið að hafa gimbrarnar okkar. Erla gaf okkur eina gimbur og hún var umsvifalaust skírð Erla. Þannig að Erla og Munda eru kindurnar okkar. Erla er kollótt og fyrir ykkur latteliðið í Reykjavík þá þýðir það að hún hefur engin horn. Þetta var því ferð til fés í dag og ég er orðinn féhirðir.

Þarna eru þær Munda og Erla í nokkuð stórum hópi kinda og í lokaðri stíu bíður síðan voldugur hrútur eftir jólunum. Og það verða svo sannarlega jól hjá honum. Konan er hörð á því að setja litlu sætu gimbrarnar okkar undir hrútinn stóra og stæðilega. Mér finnst þær nú full ungar í það, en ég hef svo sem lítið vit á þessu. Hlakka þá bara til að fá nokkra lambaskrokka í kistuna að ári.

Í dag festi ég svo grind, sem á kindamáli heitir spil, í stíuna og þannig stækkuðum við stíuna sem gimbrarnar eru í. Alls eru sjö gimbrar í þessari stíu. Mundu var strax tekið all vel, hún var svöng og tók hraustlega til matar síns. Hún hlakkar eflaust til framtíðarinnar og þess fjölbreytta fæðis sem bíður hennar!

Mér sýndist kindurnar hafa það mjög gott þarna. En eins og vinkona mín fyrir vestan sagði, að þá er betra að kindurnar séu jákvæðar, því enginn vill hafa neikvætt eigið fé. Og mér sýnist að við komum til með að vera með jákvætt eigið fé, alla vega á fjórða ársfjórðungi.

Það skal tekið fram að ekki er um áhættufé að ræða eins og fréttir voru af um daginn, en það voru kindur sem klifruðu víst í klettum en það má eiginlega segja að þetta hafi verið lausafé þangað til við komum því í hús í dag.

Nú les ég markaskránna þegar ég fer að sofa á kvöldin. Okkar kindur eru með rifið aftan hægra og slitið framan vinstra. Ég markaði þær sjálfur. Annars er lítið að marka þessa markaskrá og hún setur alls ekki mark sitt á líf mitt í framtíðinni. Hvernig ætli þýsk mörk séu?

Orðasafn að lokum:

Gimbur - kind sem er nýhætt að vera lamb

Stía - verelsi kindanna

Kollótt - kind án horna

Spil - grind sem notuð er til að stúka stíuna af

Mark - einkennismerki sem klippt eru í eyru kindanna

Skot og mark - skýri það síðar

 

Erum við að tala um að allir leikmenn fái greidd laun fyrir að spila?

Er þetta þannig í alvöru að leikmenn í íslenskum handboltaliðum eru hver og einn að fá borgað fyrir að spila? Og eru menn með dulbúnar hótanir gagnvart félaginu sínu? Hvar er félagshollustan á erfiðum tímum?

Vilja vinna með stjórn Gróttu

Má ég þá frekar biðja um Jeltsin!!

http://www.youtube.com/watch?v=Q5FIoocja4k 

Powell söng með hipp-hopp sveit

Hljóta að vera aðkomumenn

.....eins og venjulega.

Fíkniefni fundust í íbúð á Akureyri

Endalok karlmanna við stjórn fjármálafyrirtækja?

En án gríns þá líst mér mjög vel á að fá konur í störf bankastjóra, mikilvægur þáttur í ímyndareflingu bankanna á nýjan leik. Konur sýna ráðdeild í rekstri, eru minna áhættusæknari en karlar og bara með báða fætur á jörðinni.

Ætli þetta þýði ekki endalok karlmanna við stjórn íslenskra fjármálafyrirtækja? Er stóra breikið fyrir konur þarna komið?

Mér líst vel á þetta.

Birna verður væntanlega bankastjóri Glitnis

Rýrar heimtur í morgun

Enginn banki bættist í safið í nótt eða morgun. Frekar rýrt í roðinu finnst manni eftir að hafa eignast banka nær daglega undanfarna daga.

 

Vilja kaupa Glitni í Noregi

Uss þetta er ekkert að marka

Bara æfingaleikur!

Tap í fyrsta æfingaleik Celtics

Skelfileg staða

Það er erfið staða hjá íþróttafélögum í dag. Ekki bara þeim sem eru með erlenda leikmenn og þjálfara á sínum snærum. Styrktarsjóðir fyrirtækja hafa lokast og erfitt um vik að ná í styrki. Þá heyrast dæmi þess að fyrirtæki hafi sagt upp stórum styrktarsamningum við íþróttafélög.

En það þarf hagræðingu þarna eins og annarsstaðar og því fyrr sem íþróttafélög grípa til aðgerða því betur og þetta er spurningin um að þreyja þennan vetur.

Sem dæmi að þá hefur launakostnaður erlends þjálfara hjá okkur í unglingaráði körfuknattleiksdeildar Tindastóls aukist um 40% frá því samningar voru undirritaðir.

Snæfell segir upp samningum við erlenda leikmenn og þjálfara

Þá er svæðisútvarpinu borgið

Fátt af viti annað þaðan en fréttir af andanefjum.

Enn andarnefjur á Pollinum