Farsi á Alþingi

Ég ætlaði að hlusta í beinni útsendingu frá utandagskrárumræðum frá Alþingi um málefni Byrgisins sem átti að hefjast kl. 10.30. Nú er kl. 11.07 og umræðan ekki hafin ennþá.

Þess í stað hófust umræður um "störf þingsins" eins og það heitir. Þar voru menn að karpa um framkvæmd umræðu um ríkisútvarpsfrumvarpið. Svo þegar tíminn var búinn til að ræða störf þingsins bjóst maður við að utandagskrárumræðan hæfist, en viti menn. Þá var hægt að taka til máls um fundarstjórn forseta og það er hreinn brandari að hlusta á það. Þar eiga menn að ræða um fundarstjórn forseta, en umræðan um ríkisútvarpsfrumvarpið hélt áfram á svipuðum nótum. Þegar menn misstu sig greip forseti frammí og minnti menn á að það ætti ekki að ræða efnistök frumvarpsins heldur um fundarstjórn forseta.

Ég ætla að fara út á leikskóla núna á eftir og hlýða þar á mun gáfulegri umræður leikskólakrakka í sandkassanum.

Hilsen

Athugasemdir

[Hlynur Þór Magnússon, 19.1.2007 kl. 11:15]

Veistu, Karl - undanfarna daga hef ég verið að taka saman punkta í bloggfærslu um þingið og vitleysisganginn þar - en alltaf bætist í vitleysuna þannig að ég er aldrei búinn ...

[Karl Jónsson, 19.1.2007 kl. 14:59]

Ég sé fyrir mér að þú verðir ekki aðgerðarlaus á næstunni Hlynur minn!