Af hverju eru starfsdagar kennara í leik- og grunnskólum ekki samræmdir!!??

Mér finnst það með ólíkindum að kennarar í grunnskólum og leikskólum geti ekki komið sér saman um að samræma starfsdaga sína, skipulagsdaga, eða þá daga sem þeir loka og gefa frí.

Sem dæmi að þá er leikskólinn lokaður hér á Króknum á miðvikudag vegna skipulagsdags og á föstudaginn er frí í grunnskólanum vegna starfsdags kennara. Þetta þýðir röskun á tveimur vinnudögum í stað þess að hægt væri að leysa málið á einum degi. Sumardagurinn fyrsti kemur þarna inn á milli og er almennur frídagur.

Þetta er ekkert einsdæmi, ég þekki til svona mála víða um land. Af hverju er þetta ekki samræmt, getur einhver sagt mér það?

Athugasemdir

[Júlíus Garðar Júlíusson, 16.4.2007 kl. 10:24]

Sæll.
Ég er svo hjartanlega sammála þér, við eigum börn á báðum stöðum, hér á Dalvík er skipulagsdagur í grunnskæolanum á n.k föstudag en á leikskólanum n. mánudag. 

[Rúnar Haukur Ingimarsson, 16.4.2007 kl. 10:29]

Alveg sammála, hérna á Akureyri er það orðið líka svoleiðis að starfsmannafundir á leikskólum eru á vinnutíma kennarana og því eru leikskólarnir lokaðir á meðan. Bætist því við starfsdagana svo það eru ansi margir dagar sem börnin eru í fríi á leikskólanum.

[Karl Jónsson, 16.4.2007 kl. 10:30]

Þú varst flottur í Kastljósinu í gær Júlíus!

[Karl Jónsson, 16.4.2007 kl. 10:33]

Já þetta eru ansi margir dagar og ég er í sjálfu sér ekkert að gera lítið úr því.  Þetta er það sem þessar stéttir telja sig þurfa og hafa náð í gegn í samningum sínum. En kommon, gerið foreldrum og ekki síst atvinnurekendum þann greiða að raska bara einum vinnudegi í einu í stað tveimur.

[Sólmundur Friðriksson, 16.4.2007 kl. 12:41]

Sæll Kalli, get ekki verið meira sammála þér. Allt frá því ég byrjaði að vinna á leikskóla og starfaði síðar sem kennari í grunnskóla hefur mér fundist óþolandi mikil gjá á milli þessara skólastiga og þetta er eitt dæmið um það. Það væri hægt að gera svo miklu betur með samræmingu þarna á milli og í raun fullt af ónýttum tækifærum sem nýtast myndu á báðum sviðum.

[Guðný Jóhannesdóttir, 16.4.2007 kl. 12:52]

Já nú þurfum við að rörkæða um hver verði heima hvenær í stað þess að skipta deginum. Arg