Skrýtin vika að baki

Það verður ekki ofsögum sagt að síðasta vika hafi verið ansi skrýtin. Amma gamla kvaddi á miðvikudaginn á 96. aldursári. Það byrjaði að halla alvarlega undan fæti hjá henni á sunnudaginn og síðan smám saman leið hún yfir í annan heim og seinni partinn á miðvikudaginn dró hún síðasta andardráttinn sú gamla. Hennar verður sárt saknað en minnst fyrir glaðlega og hlýja framkomu.

Útförin verður á morgun þriðjudag og þá vonandi kemst höfuðið í lag á nýjan leik og maður fær orku til að koma lífinu í skorður á nýjan leik.

Athugasemdir

[Gunnar Freyr Steinsson, 23.4.2007 kl. 09:06]

Send þér og þínum mínar innilegustu samúðarkveðjur.

[Ingólfur H Þorleifsson, 23.4.2007 kl. 09:59]

Sæll Kalli.

Sendi samúðarkveðjur að vestan.

[Karl Jónsson, 23.4.2007 kl. 13:33]

Takk fyrir þetta strákar mínir.

[Stína tengdamamma (IP-tala skráð) 23.4.2007 kl. 16:36]

Elsku Kalli minn óska þér til hamingju með afmælið þitt.  Um leið votta ég þér samúð mína vegna ömmu þinnar.  Verð með ykkur í huganum á morgun.  Amma þín var frábær karakter og eftirsjá af henni en hún var orðin södd lífdaga og best fyrir hana að fá að kveðja. Knús til allra.

[Sólmundur Friðriksson, 24.4.2007 kl. 15:57]

Sæll Kalli. Ég votta þér innilega mína samúð. Það er alltaf sárt að sjá á eftir ástvinum hverfa yfir móðuna miklu og eftir því sem við bætum við okkur árunum upplifum við þessar reynslu oftar. En þetta er víst hluti af því að vera maður og í hvert skipti fer maður í gegnum einhvers konar endurmat á ævinni og þá aðallega þeim minningum sem tengjast hinum látna. Þær verða síðan vel varðveittar í fjársjóðshirslum hjartans og þannig fylgir sá sem maður syrgir áfram veginn.

[Karl Jónsson, 24.4.2007 kl. 20:54]

Takk fyrir hlý orð Sóli minn, þú mælir af visku að venju