Vinnur þetta málstaðnum fylgi?

þetta Saving Icelandlið er alveg gjörsamlega komið út úr kortinu. Ókey, mótmælið því sem þið viljið mótmæla, en með þessum aðferðum náið þið ekki samúð almennings, því þið truflið okkar daglega líf. Það hefur ekki verið talið vænlegt til árangurs hingað til.

Umhverfisverndarsinnar loka veginum upp á Grundartanga

Athugasemdir

[Arnar Þórisson (IP-tala skráð) 18.7.2007 kl. 21:26]

Ég horfi til baka á "Ómars-gönguna" sem farin var niður Laugaveginn í fyrra. talað var um að c.a. 12.000 manns eða álíka hefði þrammað.  Þetta fólk var á móti og gekk því með okkur.   

Ef við sýndum þessa samstöðu í dag og létum í okkur heyrast þyrftum við kannski ekki að beita beinum aðgerðum sem þessum. 

Við höfum talað, skrifað og fundað en mætt daufum eyrum. Fólk styður málstaðinn en er ekki tilbúið til að láta í sér heyrast og lætur bara hina um þetta.  Við þurfum öll að standa saman en á meðan við erum svo fá sem gerum eitthvað í hlutunum stoðar lítið að beita okkar í lýðræðinu því þegar við svo gerum það situr fólkið heima í stað þess að berjast með okkur. Ykkur finnst þið kannski ekki geta gert neitt en það er rangt. Við erum fólk eins og þið sem hefur skoaðanir gegn stóriðjunni. Ekki sitja því bar heima og gagnrýna aðgerðir okkar þetta er líka ykkar málstaður svo berjist á ykkar forsendum og með ykkar aðferðum.

Sameinuð getum við sigrað. En þar sem við finnum ekki fyrir samstöðunni beitum við  beinum aðgerðum. 

Íslendingar sameinumst gegn stóriðju og hindrum eyðileggingu á einum af síðustu óspilltu víðernum Evrópu. Seljum ekki náttúru Íslands undir hergagna framleiðandann Alcoa og önnur álfyrirtæki.

[Karl Jónsson, 19.7.2007 kl. 13:27]

Þó ég beri virðingu fyrir flestum skoðunum, þar á meðal þessum, þá kæri ég mig ekki um að fólk sé að troða þeim skoðunum á mig og trufla mitt daglega líf. Ég sæki mínar skoðanir í fjölmiðla, á heimasíður - sem þessi hópur by the way virðist ekki hafa og eftir þeim leiðum sem ég tek færar hverju sinni, en það er gjörsamlega óþolandi að maður þurfi að verða fyrir truflunum í daglegu lífi vegna þessa.

Ég berst á mínum forsendum fyrir ýmisskonar málstað, málefnalegur grundvöllur er heppilegastur til að ná eyrum fólks, ekki sú birtingarmynd af ofbeldi sem þarna er sýnd þar sem m.a. lögregluþjónar eru settir í hættu við að leysa úr eins og það að klifra upp í krana og fikra sig eftir honum.

Ég hef hvergi séð að Alcoa sé hergagnaframleiðandi, þú getur kannski bent mér á upplýsingar um það. Hins vegar framleiðir Alcoa ál sem notað er í smíði ýmissa hluta eins og flugvéla, bíla og vissulega hergagna, en fyrirtækið er ekki hergagnaframleiðandi og það er svona öfgakenndur málflutningur sem verður til þess að þið náið illa eyrum fólks.

Þetta er bara mín skoðun, hvort sem ég er fylgjandi stóriðju eða ekki, um það snýst ekki málið að þessu sinni.

[Jón Þór Bjarnason, 22.7.2007 kl. 23:13]

Það er nauðsynlegt að mótmæla, finnist manni ranglæti heimsins fram úr hófi ganga... það er allt betra en að þegja þunnu hljóði eða nöldra bara við eldhúsborðið yfir heyrnadaufri ömmu sinni :)