Við BOSTON-menn þyrpumst út úr skápnum!!

Það hefur verið dimmt, kalt og loftlítið í skápnum sem við Boston menn höfum smám saman skriðið inn í síðan Larry Bird lagði skóna á hilluna á síðustu öld. Varla hefur verið óhætt einu sinni að opna á hann litla rifu því engin birta hefur verið fyrir utan til að hleypa inn. Það hefur því bara verið best að halda honum lokuðum.

Um þverbak keyrði í fyrra þegar þeir voru með lélegasta árangur sinn í sögu NBA!!

Óheppnin virtist ætla að halda áfram í nýliðavalinu, þrátt fyrir ágæta tölfræðilega möguleika á að fá að velja nr 1, fengum við að velja nr 5!!!

En viti menn, hvað gerist? Í kjölfarið eiga sér stað ýmis leikmannaskipti og allt í einu er Boston komið með alvöru lið, næstum því á einni nóttu!!

Og ekki nóg með stjörnurnar þrjár, heldur eigum við líka menn á bekknum sem kunna körfubolta!! Langt síðan það hefur gerst, eiginlega ekki síðan Joe Kleine, Greg Kite og félagar voru upp á sitt betsta.

Nú hef ég fundið gömlu Boston derhúfuna sem ég fékk 1989, dustaði rykið af BIRD-búningnum mínum, þvoði Boston-könnuna og setti Boston rúmfötin utan um sængina mína og kodda aftur!!

Ég er kominn út úr Boston-skápnum eins og margir, margir fleiri!!

Til hamingju með liðið kæru Boston-félagar.

Boston skellti New York með 45 stiga mun

Athugasemdir

[Guðný Jóhannesdóttir, 30.11.2007 kl. 11:53]

Kalli minn þú fórst aldrei inn í þann skáp alla vega ekki svona heima við þar sem kaffið er drukkið úr Boston könnu og þú spókar þig um á Boston bol öll kvöld. Spurning hvort sigurinn fari hins vegar að gera þetta meira lokkandi ;)

[Guðný Jóhannesdóttir, 30.11.2007 kl. 11:54]

En daginn sem þau kaupir Boston rúmföt verður þú að fara að sofa einn góurinn

[Stefán Bogi Sveinsson (IP-tala skráð) 30.11.2007 kl. 14:24]

Það hríslast um mann ljúf tilfinning á ný. Maður svífur vængjum þöndum. Þetta er sannkölluð frelsun. Kemur ekki á óvart að það skuli vera Kevin McHale sem reddaði þessu öllu saman fyrir okkur. Og hann er samt löngu hættur....

[Karl Jónsson, 30.11.2007 kl. 14:27]

Segðu Stefán Bogi og framsóknarliturinn á búningunum alltaf jafn hlýr og notalegur er það ekki!!??

[Hlynur Davíð Stefánsson (IP-tala skráð) 1.12.2007 kl. 09:56]

Ég hef nú bara aldrei farið inní skápinn. Hef því fengið nokkur skot á mig, en djöfull er ég sáttur með uppganginn í Boston í dag. Red Sox eru MLB meistarar, Patriots eru ósigrðir í NFL og Celtics gengur líka svona vel í NBA!