Ég sem hélt að kaffi væri bara kaffi.....

Það var einkennilegt í sumar hvað ég var ótrúlega pirraður og illa fyrirkallaður að afloknum vinnudegi á tímabili. Leið bara virkilega illa og var ekki góður í skapinu.

Svo fór ég að skoða þetta og komst að því að við Ásbjörn apótekari hér á loftinu höfðum fengið annað kaffi niðri í eldhúsi en við vorum vanir. Eitthvað ódýrt Euroshopper kaffi sem allir voru reyndar brjálaðir yfir hér á stofnuninni á tímabili.

Við skiptum hið snarasta yfir í Maxwellhouse kaffið aftur og viti menn, skapið í mér batnaði og ég varð allur annar maður.

Djöfulsins eitur sem kaffi getur verið. Ég hélt að kaffi væri bara kaffi og að það væri enginn munur á drullu og skít, en þarna sannaðist hið gagnstæða.

En ég hef nú verið hinn mesti ljúflingur síðan.................

Hilsen

Athugasemdir

[Guðný Jóhannesdóttir (IP-tala skráð) 8.11.2006 kl. 12:07]

já  það var þetta með kaffið. slæmir tímar það maður