Menn smala ekki bjarndýrum eins og rollum!

"telja að ákvörðunin um að fella dýrið hafi ekki verið sérlega vel ígrunduð"

 Vel ígrunduð? Hvað er málið?

Þetta var ekki rolla uppi í fjalli sem þú smalar vinstri hægri í hólf þar sem hægt er að "geyma" það þangað til byssa og deyfilyf koma á staðinn daginn eftir.

Þoka fyrir ofan, dýrið um 5 km frá næsta bæ og hefði auðveldlega getað horfið upp í þokuna og hvar hefði það borið niður fæti næst? Við bæinn? Minni á að það eru aðeins 15 km hingað á Krókinn frá staðnum sem dýrið var vegið og ég sem íbúi hér og faðir nokkurra barna, hefði ekki verið ánægður ef menn ætluðu að "geyma" kvikindið þarna í hlíðinni á svæðinu þangað til réttu græjurnar hefðu borist.

Þetta eru rándýr gott fólk, þau drepa aðrar lifandi skepnur sér til matar.

„Harma ísbjarnardrápið"

Athugasemdir

[Guðrún (IP-tala skráð) 4.6.2008 kl. 13:32]

Hjartanlega sammála þér. Þetta var ekki gæludýr heldur villt skepna og mjög hættuleg!

[Einar (IP-tala skráð) 4.6.2008 kl. 13:44]

Hver var að tala um að skilja dýrið þarna eftir og vona það besta?

Það átti að koma öllu þessu fólki sem var komið á staðin í burtu og fylgjast með dýrinu þangað til svæfingalyf hefði borist.

Ég er enginn sérfræðingur í flutningi stórra dýra en miðað við hvað ég hef lesið mér um þetta mál að þá hefði verið hægt að stand öðruvísi að þessu máli.

Mjög gamaldags að plaffa dýrið niður án þess að skoða málin betur. Eftir að björninn var drepinn að þá kom í ljós að dýralæknir sem kom á vettvang stuttu síðar var með lyfið í BÍLNUM SÍNUM.

Það er árið 2008 og við höfum græjur eftir því. Síðan er í lagi að benda þér líka á það að þessi dýr eru í útrýmingarhættu.

En jæja, þú fékst þínu framgengt. Til hamingju. 

[Marinó G. Njálsson, 4.6.2008 kl. 14:01]

Karl, sástu viðtalið við Kára sveitunga þinn Maríusson.  Honum fannst engin ástæða til verknaðarins og raun hafi eina ógnin sem stóð af birninum var þegar honum líkaði að menn væru að nálgast hann of mikið.  Vonandi læra menn af atvikinu og bregðast betur við næst.

En ég spyr:  Er Skagfirðingu illa við óboðna sundkappa?

[Anna (IP-tala skráð) 4.6.2008 kl. 15:42]

Við erum líka rándýr er það ekki? Menn eru ítrekað að drepa aðra menn fyrir engar sýnilegar ástæður. Eru þeir réttdræpir? Hvað með þá menn sem enn hafa ekki gert neitt af sér en einhver möguleiki er á því að þeir eigi eftir að gera það?

[Snorri Örn Arnaldsson, 5.6.2008 kl. 08:43]

Anna, átti semsagt að bíða eftir því að björninn réðist á mannskepnu og henda honum svo fyrir héraðsdómara?  Finnst þér þetta vera sambærilegt?