15 dagar!!

Hafið þið lent í því að þurfa að hringja í IKEA, lýsa einhverju stykki sem ekki fylgdi með og biðja um að það sé sent? Það er ekki mjög skemmtilegt get ég sagt ykkur. En svona eru dagleg viðfangsefni í vinnunni hjá mér. Í gær átti ég langt samtal við birgja um þvagprufuglös og saursýnaglös með skeið!! Segiði svo að þetta sé ekki spennandi.

En við skulum átta okkur á því að það eru aðeins 15 dagar þangað til við flytjum!! Mánuðurinn hefur verið fljótur að líða er óhætt að segja og nú fer þetta bara að bresta á. Ég gæti hins vegar þurft að koma hingað aftur í byrjun desember til að klára að koma eftirmanni mínum inn í starfið. En vonandi verða það bara í mesta lagi 2-3 dagar eða svo.

Fékk sendan ráðningarsamninginn í gær og óskaði eftir smávægilegum breytingum á honum sem hljóta að verða samþykktar. Þetta verður bara fínt.

Árdís kom heim með einkunnir úr annaprófum. Þvílík frammistaða; ein tía, eitt A og síðan 8.4 í stærðfræði, sem var 0.3 fyrir ofan meðaltal bekkjarins. Dugleg stelpa og nú ætti Hauksi að fara að fá sínar einkunnir líka.

Skírnir lærir og lærir út í eitt. Hann er að læra að skrifa nafnið sitt og að þekkja stafina. Býst við að afi Jón fái það hlutverk að lemja þetta almennilega inn í drenginn.

Hilsen, ég þarf að fara að hringja í birgja og ræða við hann klósettupphækkanir.

Athugasemdir

[Stína tengdó (IP-tala skráð) 15.11.2006 kl. 10:01]

Jahérna hér hvað ætlarðu að gera með skeiðina með saursýnisglasinu . Maður bara spyr sig say no more. Get svo sem tekið þátt í spekúlasjónum um klósettupphækkanir.