Hef trú á mínum mönnum í kvöld

Þrátt fyrir að vera án slatta af sterkum leikmönnum, hef ég trú á því að mínir menn standi sig í kvöld. Fullt af ungum og mjög hungruðum leikmönnum koma í staðinn og það getur virkað mjög vel. Leikurinn er á þannig tíma með ensku deildina handa við hornið, að allir vilja sýna Wenger að þeir eigi heima í aðalliðinu í vetur.

Ég hlakka mjög mikið til að sjá miðjuna með þá Denilson og hinn 17 ára Ramsey.

Giska á að byrjunarliðið verði þetta í 4-4-2:

Almunia

Sagna - Djorou - Gallas - Clichy

Eboue (því miður) - Ramsey - Denilson - Vela

van Persie - Adebayor

Þarna eru fjórir sem spiluðu lítið eða ekkert með Arsenal á síðasta tímabili. Framlínan er hins vegar öflug og vörnin ætti á góðum degi að geta haldið aftur af sóknarmönnum Twente.

Arsenal án nokkurra sterkra leikmanna gegn Twente

Athugasemdir

[Dunni, 13.8.2008 kl. 12:17]

Veistu hvaða tungumál þeir tala þarna hjá Arsenal? 

Kannske það sé esperanto. Annars er þetta orðin meiri vitleysan hjá stóru félögunum á Englandi. Það þykir orðið gott ef það finnst einn Englendingur í byrjunarliðinu hjá Aresnal og Chelsea. Liverpool startara að öllu jöfnu með 2 og United með 3 - 4 breskættaða gaura.

Skil vel að landsliðinu gangi ekki sem skyldi þegar það á ekki nema 2 - 3 leikmenn í byrjunarliðum toppklúbbana.

En alla vega. Áfram GRINDAVÍK