Held að við ráðum ekki við eitt né neitt

Því miður held ég að staðan sé þannig hjá okkur, sundurlyndið og traust á milli fólks það lítið að við náum aldrei að stíga sjálf út úr þessum vandamálum. Það er ekki nóg með að við glímum við afleiðingar fjármálakreppunnar og hrun hagkerfisins heldur þurfum við að horfa upp á innanhúsdeilur hjá okkur og það virðist sem ekki sé hægt að setja fókusinn á neinar aðgerðir fyrir fólkið í landinu vegna þess.

Ég held að við verðum á endanum að segja okkur á hreppinn, kalla eftir alvöru utanaðkomandi aðstoð sérfræðinga sem leitt geta okkur út úr þessum kröggum. Stjórnmálamenn fari í frí í 2-3 ár og við látum ekki bara utanþingsstjórn heldur utanlandsstjórn, halda hér um taumana þangað til við komumst upp úr þessu.

Hver dagur sem fer í kjaftæði og þvaður, þýðir mánuð í lengda kreppu í stóru myndinni.

 

Deilur á Íslandi valda skaða

Athugasemdir

[Smyrill (IP-tala skráð) 10.2.2009 kl. 23:21]

Svo mörg voru þau orð!  En við verðum að komast út úr þessum vanda og sigra að lokum; það mun kosta svita og tár en með samstillingu allra ætti það að takast. Sameinuð stöndum við, sundruð föllum við!