Skýrara verður það ekki!

Þarna er ekkert verið að fara í kring um hlutina, þarna er kúrsinn tekinn.

Við vitum ekki hvað verður í boði fyrr en við setjumst að samningaborðinu. Það er stóri sannleikurinn í þessu. Allar bollaleggingar um hitt og þetta eru tímaeyðsla.

Við fáum síðan að kjósa um afraksturinn, vonandi bara einu sinni. Tvennar kosningar eru bull að mínu mati, við þurfum ekki að ákveða í einum kosningum hvort við eigum að ganga til þessara viðræðna og gefa þannig kost á ýmsum hræðsluáróðri í hvora áttina sem er.

Á endanum er það síðan þjóðin sem fær þetta í hendurnar.

Er það ekki þannig sem við viljum hafa það?

ESB-viðræður í júní?

Athugasemdir

[Hjörtur J. Guðmundsson, 20.4.2009 kl. 13:59]

Í flestum tilfellum er vitað hvað innganga í Evrópusambandið hefði í för með sér, að halda öðru fram er einfaldlega blekking eða þá vanþekking. Viðræður við sambandið eru engar opnar viðræður þar sem hægt er að semja um hvað eina. Þar er í raun lítið að semja um og í mesta lagi tímabundnar aðlaganir að reglum þess. Það verður t.d. ekki samið um vægi Íslands innan Evrópusambandsins, þar ræður íbúafjöldinn í samræmi við mjög ákveðnar reglur. Því fleiri íbúar, því meira vægi og þar með möguleikar á áhrifum innan sambandsins. Og það þarf engan stærðfræðisnilling, eða þá viðræður við ráðamenn í Brussel, til þess að reikna það dæmi.

[Hans (IP-tala skráð) 20.4.2009 kl. 15:10]

Hjörtur,

en hvað viltu gera með krónuna?

[Karl Jónsson, 20.4.2009 kl. 15:28]

Það þýðir ekkert að leggja svona uppslætti á borð hins almenna borgara, að í flestum tilfellum sé vitað hvað innganga í ESB hefði í för með sér. Það er akkúrat þetta sem ég er að tala um og það má alveg kalla það vanþekkingu. Ég hlusta alla vega ekki á neina svona uppslætti, af eða á, ég vil fá þetta á borðið eftir að samningaviðræður hafa farið fram. Þá get ég tekið upplýsta ákvörðun um hvað ég telji skynsamlegast að gera. Skipa mér ekki í já- eða nei-hópa fyrirfram.

Og varðandi krónuna, þá er það mitt mat að það þurfi að vinna eins hratt og mögulegt er að skipta henni út, koma okkur inn í stærra myntkerfi.

[Marteinn Unnar Heiðarsson, 20.4.2009 kl. 19:24]

Manni er farið að gruna að sambó hafi lofað ESB ráðherrunum eitthvað og þegið mútur styrki frá ESB í staðin og sama má sega um formenn ASÍ og marga aðra sem lofa ESB í hástert allavega er þetta fólk ekki að hugsa um hag þjóðarinnar það er einhverjar skrýtnar kendir þar að baki!!!!Afhverju vill þetta fólk ekki ræða um Dollar sem gengi fljótar fyrir sig og ekki þarf að láta fullveldi landsins á móti einsog sambó og ASÍ vilja gera.Það þarf ekki að fara í aðildarviðræður við vitum um 98% reglunum og hvað við fáum en það eru þessi 2% sem eru aðalmálið og allt snýst um .Það er nóg að senda 2 fúlltrúa þarna út til Brussel með eitt bréf sem í stendur þetta er það sem við viljum halda að fullu hér semsagt fiskimiðin-landbúnaðurinn-og okkar dýrmæta orka og náttúra og hvað viljið þið gera?ekki einfaldara.Og svarið verður stutt og laggott frá ESB farið bara heim aftur við höfum ekkert við ykkur að tala.Muna bara að kjósa ekki þennan spyllinga flokk sem vil afsala okkar sjálfstæði.