Öll tvímæli tekin af

Ég skil eiginlega ekki af hverju menn koma ekki með svona yfirlýsingar strax þegar orðrómurinn fer á kreik.

En Adebayor hefur verið að reyna að fá launin sín hækkuð hjá Arsenal og hefur notað hvert tækifæri til þess að tjá sig opinberlega um áhuga annarra stórliða á sér, þar sem hann getur fengið mun hærri laun.

Vissulega er þetta ekki skemmtileg staða að vera samningsbundinn liði og hafa von um miklu hærri laun annarsstaðar. Á almennum vinnumarkaði segja menn bara upp vinnunni og fara í aðra betur borgaða.

En það er nú ekki þannig að þessir menn séu á sultarlaunum.

Lykilatriði fyrir félög að fá menn til að virða gerða samninga. Hins vegar er alveg ljóst það vill enginn hafa mann í sínu liði sem er í fýlu og því miður er það tæki leikmanna til að losna frá liðum, að vera óánægðir. En ég væri alveg til í að sjá það gerast að leikmaður - stjörnuleikmaður ef því er að skipta, verði látinn sitja á bekknum eða sendur í aðalliðið fyrir að haga sér svona.

Ég vona að Adebayor átti sig á þessu og hætti að væla opinberlega. Maðurinn hefur aðeins spilað eitt tímabil af viti, með 30 mörk og þarf að mínu mati að sanna sig hið minnsta annað tímabil til að verða metinn sem alvöru leikmaður. Alla vega í mínum bókum.

En berist 30 milljón punda tilboð í kappann, er hann ekki það dýrmætur að menn eigi ekki að taka slíku boði.

Adebayor ekki til sölu

Atvinnubótavinna erlendra stúdenta

Væri ekki nær að þeir fengju sér alvöru vinnu, tækju sér hamar eða skóflu í hönd?

Hvar ærlar þetta ágæta fólk að drepa niður fæti núna? Mótmæli þeirra fóru ekki vel í íslensku þjóðarsálina og aðferðir þeirra alls ekki til að afla málstað sínum stuðnings.

Allt í lagi að mótmæla og koma sínu á framfæri, en að trufla almenning í sínu daglega amstri er ekki til þess að fólk fái samúð með málstaðnum.

Saving Iceland með aðgerðabúðir

Gleymdi nokkrum atriðum í upptalningunni

Í upptalningu minni frá því í fyrradag um kosti þess að búa á Sauðárkróki/Skagafirði gleymdust nokkur mikilvæg atriði sem mér hefur kurteislega verið bent á. Á ég þó ekki við um fækkun framsóknarmanna eins og einhver góður benti mér á í athugasemdakerfinu, því þeim hefur ekkert fækkað hér alla vega.

.....þar sem gott skíðasvæðið í Tindastóli er aðeins um 12 mínútur í burtu.

.....þar sem góður golfvöllur er á Nöfunum fyrir ofan bæinn.

.....þar sem fjölda veiðivatna er að finna á Skaga í innan við hálftíma fjarlægð.

.....þar sem þú getur sparað hátt í 300 þúsund krónur árlega í minni bensínkostnað.

.....þar sem þú greiðir 80 þúsund í húsaleigu á mánuði fyrir 90 fermetra í búð í stað 180 þúsund króna í Reykjavík. Sparnaður á ársgrundvelli um 1.2 milljónir - það má gera eitthvað við það er það ekki?

Þetta var það sem ég vildi bæta við færslu mína frá því í fyrradag. Áhugasamir geta komið með fleiri kosti þess að búa á Sauðárkróki / Skagafirði í athugasemdakerfið.

Þetta var það sem ég vildi bæta við

Olían hækkar og hækkar í verði

Og fyrir þetta höldum við áfram að greiða!!

Skert þjónusta við landsbyggðina, ekkert annað.

Nú reynir á að héraðsmiðlarnir standi sig og efli sína starfsemi, það kemur að því að starfsemi svæðisstöðvanna verður lögð niður ég er viss um það. Það væri í takti við það sem gerist hjá stóru fyrirtækjunum, að skerða þjónustu úti á landi.

Ríkisútvarpið er allra landsmanna er manni sagt. Ég held að þeir ættu frekar að spara í mannahaldi í landsútsendingunum. Til hvers að hafa tvo í útsendingu á morgnana? Til hvers að vera með einhverja næturvakt langt fram á nótt um helgar?

Má ekki byrja þarna áður en farið er að skerða þjónustu svæðisstöðvanna?

Landsbyggðarfréttum fækkar hjá Ríkisútvarpinu

Flytjið á Krókinn/Skagafjörð!!

......þar sem bíllinn þarf ekki að hreyfast langtímum saman og þú hefur nærri 300 þúsundum meira yfir árið í ráðstöfunartekjur ef þú átt venjulegan fólksbíl.

......þar sem stór einbýlishús með bílskúr kosta innan við 30 milljónir.

......þar sem þú þarft ekki að eyða 1-2 tímum í bílnum þínum á dag.

......þar sem engin umferðarljós trufla mann í ferðum innanbæjar.

......þar sem hægt er að byggja upp starfsstöðvar og taka starfið með sér, ef um þannig starf er að ræða.

......þar sem börnin geta gengið frjáls og óháð um sitt umhverfi án þess að foreldrarnir þurfi að hafa áhyggjur.

......þar sem falleg náttúra er í göngufæri og fjölmargar fallegar gönguleiðir.

......þar sem hægt er að veiða silung í fjörunni og dorga á bryggjunni.

......þar sem finna má folöld og lömb á vorin í göngufæri.

......þar sem Reykjavík er aðeins í 3.5 tíma akstursfæri og Akureyri í klukkutíma fjarlægð.

......þar sem fjölmargir útivistarstaðir eru innan við klukkutíma í burtu.

......þar sem íþróttaaðstaða er mjög glæsileg og starfsemi íþróttafélaga í blóma.

......þar sem menningarstarfsemi er mikil.

......þar sem ljósleiðari verður kominn inn á öll heimili innan tveggja ára og háhraðanet komið í dreifbýli.

......þar sem atvinnulíf er fjölbreytt og byggist ekki á einni ákveðinni atvinnugrein.

......þar sem fjármagn verður til og er varið í ýmis samfélagsleg verkefni.

......þar sem koltrefjaverksmiðja mun rísa innan fárra ára sem skapar allt að 50-60 manns atvinnu.

......þar sem Nýsköpunarmiðstöð mun senn opna starfsstöð.

......þar sem Skýrr er með öfluga starfsstöð og leitar stöðugt að fleira starfsfólki.

......þar sem öll skólastig má finna frá leikskóla til háskóla.

.......þar sem Árskóli kom best út í Pisa-könnuninni af öllum skólum á landinu.

......þar sem finna má hesta út um allt.

......þar sem eyjarnar setja sterkan svip á útsýnið.

......þar sem góða heilbrigðisstofnun má finna með fullkominni heilsugæslu og endurhæfingarprógrammi á landsmælikvarða.

......þar sem heitt vatn er nýtt til að auka lífsgæði íbúa.

og

......þar sem ísbirnir koma stundum á land og krydda tilveru okkar.

Einhverju er ég að gleyma, en lífsgæðin hér eru mikil, umhverfið barnvænt og fjölbreytt mannlíf og það allt hjálpar til að gera bæinn minn að yndislegum griðarstað fjölskyldunnar.

Eldsneytisverð hækkar á ný

Betur borgið innan Evrópusambandsins en utan?

Hvet ykkur til að lesa þessa frétt á RUV. Hún segir frá því að Ísland fái ekki undanþágu frá reglum um að flugfélög þurfi frá árinu 2012 að kaupa heimildir til útblásturs gróðurhúsalofttegunda.

Þarna er um stóralvarlegt mál að ræða fyrir flugrekstur í landinu. Svo virðist sem menn hafi flotið sofandi að feigðarósi, ekki fóru að berast fréttir af þessu máli fyrr en fyrir nokkrum vikum síðan og því hallast ég að því að menn hafi ekki gætt hagsmunanna nægilega vel í vinnsluferli þess, sem trúlega hefur tekið lengri tíma en það hefur verið hér í opinberri umræðu.

Klárlega að þessi skattur fer beint út í verðlagið.

Er þetta ein sönnun þess að við eigum að sækja um aðild að Evrópusambandinu? Getum við ekki haft mun meira um afdrif svona mála að segja ef við erum virkari þátttakendur í stefnumótuninni? Hefðum við frekar fengið undanþágu ef við hefðum verið með í þessu ferli frá upphafi sem aðildarþjóð?

Hér er bara um gríðarlega hagsmuni að ræða og ef við förum að reka okkur á fleira af þessari stærðargráðu, held ég að hagsmunum okkar væri betur borgið innan sambandsins en utan, höfum allavega tækifæri til þess að hafa meiri áhrif á málin verandi í Evrópusambandinu.

 

Glætan!!

Sögurnar á Silly season gerast nú æ kræfari. Arsenal fer í fyrsta lagi ekki að selgja Adebayor og í öðru lagi væri Crouch nákvæmlega ekki maður til að fylla hans skarð.

Umboðsmenn blómstra þessa dagana, skálda upp allskonar rugl til þess eins að gera skjólstæðinga sína verðmætari og skapa þeim betri stöðu í samningaviðræðum um nýja samninga.

Ég held að það sé málið að þrátt fyrir að Ade hafi fengið samning í fyrra, vilji hann fá annan og betri í ár og þess vegna sé verið að kokka upp þessar sögur til að pressa á Arsenal. Arsenal hefur hins vegar ákveðnar vinnureglur í heiðri, þeir vinna ekki sín leikmannakaup í fjölmiðlum og eru fljótir að loka á umboðsmenn og aðra sem rjúka með þreifingar í pressuna.

En bara svo það sé á hreinu, þá er Crouch ekki maðurinn til að fylla hans skrað fari svon ólíklega að hann yfirgefi Arsenal og mér finnst það nú bara jaðra við dónaskap að halda það.

Arsenal með augastað á Peter Crouch

Hin mörgu andlit ísbjarna

Hvítabjörninn á Kili var hestur og meintur björn á Skaga var kind.

Ég er alla vega feginn að menn telji sig hafa vissu fyrir þessu, því eins og ég hef marg oft áður sagt, er ég ekki hrifinn af þessum skepnum hér í túnfætinum hjá mér.

En kannski er þetta ekki búið, þeir voru jú þrír í draumnum hjá Sævari á Hamri!!

Björninn væntanlega rolla

Góður í staðinn fyrir Dribbler McNoscore

Fari svo að Dribbler McNoscore, eða Alexander Hleb, yfirgefi herbúðirnar, tel ég að þarna sé kominn góður staðgengill. Hann fittar vel í það mót sem Wenger hefur skapað fyrir unga og efnilega leikmenn, mitt helsta áhyggjuefni er kannski það að hann sé of þekktur af hæfileikum sínum!!

Svo er það spurningin með varnarmann, ég veit það svei mér ekki, Senderos hlýtur að gyrða sig í brók eftir reynsluna síðasta tímabil og hreint ágætt mót með Svissurunum á EM. Þannig að ég held að hann ætti að pluma sig áfram sem back up spilari fyrir Toure og Gallas.

Gallas er helsta spurningamerkið finnst mér. Menn efast um leiðtogahæfileika hans, en ekkert hefur verið gefið út um það hvort honum verði skipt út sem fyrirliða eða ekki, þó vissulega margt hafi verið ritað og rætt um það.

Ég er á því að Fabregas eigi að taka við fyrirliðabandinu því ég hef þá trú að hann standi undir þeirri ábyrgð og vaxi hugsanlega á vellinum fyrir vikið.

En við sjáum hvað setur, ef Wenger nær í Arshavin, sem ég tel litlar líkur á vegna verðmiðans sem settur verður á hann og samlanda hans hjá Chelski, er sóknarlínan orðin svakaleg.

En Adebayor til AC Milan eða Barcelona? Held ekki.................

Nasri búinn að semja við Arsenal

Þetta fer nú að verða gott bara................

Ég held að hér séu engir sérstakir áhugamenn um ísbjarnarkomur, ekki lengur í það minnsta.

Hins vegar væri þetta á staðfesting á því að Sævar á Hamri sé berdreyminn. Það er því kannski best að klára þessa þrennu bara svo að lífið geti farið að ganga sinn vanagang.

 

Hvítabjörn á Skaga?