Útþynnt Laugardagslög - Hrúturinn Hreinn bjargar málunum

Í mínum huga hafa Laugardagslögin algjörlega misst flugið. Þættirnir eru langdregnir, lopinn teygður eins og víða hefur komið fram og maður missir einbeitinguna við að horfa á þáttinn. Mér finnst þetta konsept að blanda inn í þættina einhverju dægurmálaspjalli og viðtölum vera illa til fundið. Viðmælendur sitja í berstrípuðum stólum á stóru sviði, hljóðið er leiðinlegt og þetta missir einhvern veginn marks að mínu mati.

Ofan í kaupið virðist sem reglum sé breytt á meðan þáttaröðinni stendur og söngvarar óvart staddir í fríi þegar þeir eiga að vera syngja.

Mér finnst Gísli Einars vera sniðugur karl og skemmtilegur og án hans væru þessir þættir algjörlega glataðir.

En krakkarnir hafa gaman af þessu og við eigum okkar fjölskyldustund fyrir framan kassann.

En af hverju skyldi húsbóndinn þá láta sig hafa það að horfa á þetta?

Jú vegna þess að á meðan kosningin er í gangi kemur einn allra skemmtilegasti teiknimyndaþáttur sem ég hef bara séð í langan tíma; Hrúturinn Hreinn. Hann fjallar um kindur á sveitabæ, hundinn sem passar upp á þær og svínin hinum megin við girðinguna. Hundurinn er alveg sér á báti, hann merkir við í kladdann og stjórnar hjörðinni með flautu í munni. Yfirleitt gera kindur í mannanna heimum lítið annað en að borða og hvíla sig og borða svo aftur, en þarna taka rollurnar sér ýmislegt fyrir hendur. Kúnstin við að horfa á þetta er að setja þetta í samhengi við hinar litlausu kindur sem við sjáum á beit í sveitum landsins og reyna að ímynda sér að eitthvað svona fjör sé í gangi hjá þeim.

Þið getið m.a. séð Hrútinn Hrein og félaga hans spila fótbolta með því að smella hér.

 

Nýtt nafn á Framsókn: Fata-hreyfingin!

Fata-hreyfingin. Var ekki Arafat í Fata-hreyfingunni? Og hitti ekki Halldór Ásgrímsson Arafat einu sinni? Dead on.

Aðkomumenn!!

Við tökum það skýrt fram hér að hætti nágranna okkar Akureyringa að hér er um utanbæjarmann að ræða!!

Þjófnaðahrina á Sauðárkróki upplýst

Vildarvinir

Við í unglingaráði körfuknattleiksdeildar Tindastóls, erum að safna fyrrverandi leikmönnum Tindastóls saman í félagsskap sem við köllum Vildarvini barna- og unglingastarfs körfuknattleiksdeildarinnar.

Við ætlum að fá þessa jaxla til að greiða til okkar fast árgjald að lágmarksupphæð kr. 3.000 og eyrnamerkja innkomuna í félagið, ákveðnum verkefnum.

Viðbrögðin hafa verið meirháttar góð og við erum bara rétt að byrja.

Nánar með því að smella HÉR.

Verðið að lækka, hraðinn að aukast - með tilkomu ljósleiðarakerfa

Ég sat ansi áhugaverða ráðstefnu í Amsterdam á dögunum sem nefndist Broadband Cities 2007. Það eru I-Nec samtökin sem héldu ráðstefnuna, en þau samanstanda af samfélögum sem hafa byggt upp, eða eru að byggja upp ljósleiðaranet. Seltjarnarnesbær er aðili að samtökunum.

Fjölmargir áhugaverðir fyrirlestrar voru á ráðstefnunni. Einn af þeim áhugaverðari var fyrirlestur Taylor Reynolds sem starfar hjá OECD, en hann fór m.a. yfir samanburð meðal OECD ríkja á verði og hraða nettenginga.

Og hvað kom í ljós?

1. Með tilkomu ljósleiðarakerfa er verðið á nettengingum að lækka - en hraðinn að aukast.

2. Ísland er mjög aftarlega á merinni hvað varðar verð vs. hraða og yfirleitt í 4-5 neðsta sæti í báðum atriðunum.

Þetta eru góðar fréttir fyrir okkur sem stöndum í því að byggja upp háhraðanetvædd samfélög.

Hvað gengur fólki tli?

Ég les það hér á bloggsíðu um afdrif barnsins í Keflavík sem varð fyrir bílnum http://stebbifr.blog.is/blog/stebbifr/entry/380695/ samt leita ég á öllum fréttavefjum nú í morgunsárið og sé m.a. á visi.is að ekki fáist staðfest líðan drengsins. Vísir, 02. des. 2007 09:29

Samt er bloggari Íslands kominn með þetta á sína síðu kl. 00.47.

Maður spyr sig, er þetta sniðugt? Ég veit að bloggið er orðið að skúbbmiðli, en er þetta ekki fulllangt gengið?

Hverju skal trúa? Hvað gengur fólki til?

Eða er ég bara svona gamaldags?

Við BOSTON-menn þyrpumst út úr skápnum!!

Það hefur verið dimmt, kalt og loftlítið í skápnum sem við Boston menn höfum smám saman skriðið inn í síðan Larry Bird lagði skóna á hilluna á síðustu öld. Varla hefur verið óhætt einu sinni að opna á hann litla rifu því engin birta hefur verið fyrir utan til að hleypa inn. Það hefur því bara verið best að halda honum lokuðum.

Um þverbak keyrði í fyrra þegar þeir voru með lélegasta árangur sinn í sögu NBA!!

Óheppnin virtist ætla að halda áfram í nýliðavalinu, þrátt fyrir ágæta tölfræðilega möguleika á að fá að velja nr 1, fengum við að velja nr 5!!!

En viti menn, hvað gerist? Í kjölfarið eiga sér stað ýmis leikmannaskipti og allt í einu er Boston komið með alvöru lið, næstum því á einni nóttu!!

Og ekki nóg með stjörnurnar þrjár, heldur eigum við líka menn á bekknum sem kunna körfubolta!! Langt síðan það hefur gerst, eiginlega ekki síðan Joe Kleine, Greg Kite og félagar voru upp á sitt betsta.

Nú hef ég fundið gömlu Boston derhúfuna sem ég fékk 1989, dustaði rykið af BIRD-búningnum mínum, þvoði Boston-könnuna og setti Boston rúmfötin utan um sængina mína og kodda aftur!!

Ég er kominn út úr Boston-skápnum eins og margir, margir fleiri!!

Til hamingju með liðið kæru Boston-félagar.

Boston skellti New York með 45 stiga mun

Einelti nær út fyrir skólana

Í 24 stundum í morgun er viðtal við sveitunga minn - eða sveitungu (!) mína, Vöndu Sigurgeirsdóttur lektor hjá Kennaraháskóla Íslands, þar sem hún er að segja frá þeirri staðreynd að einelti nær langt út fyrir veggi skólanna.

Inni í skólunum eru til fínar og flottar áætlanir um hvernig bregðast eigi við einelti, en þegar krakkarnir koma út fyrir og í sitt tómstunda- og íþróttastarf, eru þau berskjölduð fyrir eineltinu þar sem þjálfarar og/eða forsvarsmenn tómstundastarfs vita oft ekki neitt um hvað gengur á í skólanum.

Ég skrifaði um þetta fyrir all löngu síðan í þessari færslu HÉR.

Með lögum skal land byggja!!

Það hefur verið alkunna meðal íbúa hér að ástandið á lögregluliðinu okkar er ekki upp á það besta. Það virðist sem það logi í innbyrðisdeilum, sagan segir að stirt sé á milli ráðamann lögregluliðsins.  Nú hafa loksins borist fréttir af þessu opinberlega og hefur Fréttablaðið verið að skoða þessi mál.

Eitt sem farið hefur fyrir brjóstið á íbúum hér er ýmiskonar einkarekstur lögreglumanna utan vinnutíma. Íbúar hér telja að það sé full vinna og hreinlega lífsstíll að vera lögreglumaður og það sé ekki rými fyrir einkarekstur meðfram því starfi.

Ég tók eftir mikilli breytingu á sýnileika lögreglu þegar ég flutti hingað á Krókinn aftur fyrir um ári síðan. Á Ísafirði er lögreglan mjög sýnileg, maður átti jafnvel von á því að mæta gangandi lögreglumönnum og umferðareftirlitið var miklu mun betra og meira en hér. Hér sér maður varla lögregluna heilu og hálfu dagana, sem er bagalegt, því það er margsannað að sýnileg löggæsla er það sem heldur umferðarhraða í skefjum.

Það er ekki fólki bjóðandi að svona ástand skuli vara hjá þeim flokki manna sem maður þarf að treysta á. Í dag vantar tvo lögreglumenn til starfa. Í Fréttablaðinu er vitnað í Björn Mikaelsson yfirlögregluþjón:

"...... segir að manneklan geri lögreglunni vissulega erfiðara fyrir en það bitni þó ekki á öryggi borgaranna. Venjulega eiga tveir lögreglumenn að standa vaktina en við þessar aðstæður kemur oft fyrir að einungis sé einn á vakt."

Hann segir að þetta bitni ekki á öryggi borgaranna, þó það komi fyrir að aðeins einn lögreglumaður standi vaktina, í staðinn fyrir tvo sem eiga að vera. Bíddu, bitnar það ekki á öryggi okkar?

Ríkislögreglustjóri virðist með veikum mætti vera að reyna að koma að þessu máli en sem íbúi í Skagafirði geri ég þá kröfu að skikki verði komið á lögregluliðið hér og við þurfum ekki að heyra þessar fréttir sí og æ að allt sé í vitleysu innan lögregluliðsins. Það er einhvern veginn ekki traustvekjandi og á þessum síðustu og verstu tímum þurfum við virkilega á samheldnu, öguðu og vel skipulögðu lögregluliði að halda, það er er sannarlega lágmarkskrafa íbúanna.

Nú vantar NFS!!

Það er á svona stundum sem maður saknar NFS-sjónvarpsstöðvarinnar. Nú væri gaman að hafa beinar útsendingar frá Fáskrúðsfirði þar sem við fengjum viðburði þar beint í æð.

Hver man ekki eftir frammistöðu Helga Seljans þegar klórgasið lak í efnalauginni á Eskifirði hér um árið og menn með puttana á púlsinum.

Okkur vantar alvöru fréttasjónvarp þar sem við fáum að fylgjast með svona viðburðum!!

„Greinilega stórmál í gangi á hafnarsvæðinu á Fáskrúðsfirði"